top of page
IMG_4383.jpg

Genero-berdintasuna lortzea eta emakume nahiz neskato guztiak ahalduntzea. 

Ikastolako harremanetan, edukien ikas-irakaskuntza prozesuan eta eskola antolaketa diseinuan hezkuntza inklusiboa, ez-sexista, ez-homofoboa bermatzea.

5.10 EKIMENA: LHn, DBHn eta Batxilergoan otsailaren 11n Neska eta Emakume Zientzialarien Nazioarteko Egunaren ospakizuna.

NeskaZientzialarienEguna

 

Azken ikasturteetan bezala, Neska eta Emakume Zientzialarien Nazioarteko Eguna ospatzeko ekintza desberdinak burutu ditugu LHn eta DBHn. 2024an otsailaren 11a igandea denez, ospakizunak otsailaren 8an eta 9an burutu ditugu gure ikasleekin.

 

LHko 6. mailako ikasle lagunztaileek, Inspira proiektuan ikasitakoa kontuan izanik, beheko mailetan genero-berdintasunari buruzko jarduerak burutu dituzte, bideoak, azalpenak eta abarren bitartez.

DBHko bibliotekan Emakume Zientzialarien erakusketa antolatu da eta Sandra Uveren Supermujeres Superinventoras liburu berriaren katalogazioa egin da, genero-berdintasunaren gaia lantzen duten bibliotekako beste liburuekin batera erakutsiz.​

Batxilergoko eraikinaren sarreran Emakume Zientzialarien erakusketa jarri da.

GARATZEN DITUGUN HELMUGAK:

 

5.1 Emakume eta neskatoen aurkako diskriminazio modu guztiekin amaitzea.

Beheko argazkietan antolatutako ekintzen irudiak:

5.5 EKIMENA: 5.5 Etapa desberdinetako ikasarloetan genero-berdintasunarekin harremana duten gaiak lantzea: DBH 4 Etika, DBH 3 Plastika, DBH 4 eta Batxilergo 1 Ekonomia eta Batxiler 2ko Enpresa eta Negozio Ereduen Diseinua…

DBH4Etika_SotoudehNadim

 

Azken ikasturteetan bezala, DBHko 4. mailako Balio Etiko eta Zibikoak ikasarloan, GENERO-BERDINTASUNA gaia lantzen ari gara. 4.BC taldeko ikasleak Unesco Eskola Elkartuen Sarean ikasturte honetarako zehaztutako Bake Figurak diren Nasrim Sotoudeh eta Nadia Nadim ekintzaileen historia eta ibilbidea aztertzen ari dira, ondoren, euren biografiak idazteko.

GARATZEN DITUGUN HELMUGAK:

 

5.1 Emakume eta neskatoen aurkako diskriminazio modu guztiekin amaitzea.

5.2 Emakume eta neskato guztien aurkako indarkeria modu guztiak ezabatzea.

5.b Teknologia instrumentalaren erabilera hobetzea, bereziki, informazioaren eta komunikazioen teknologiarena, emakumeen ahalduntzea sustatzeko.

Beheko argazkietan, ikasleak proiektuan lanean. Argazkiak neurri handiak ikusteko gainean klikatu:

5.1 EKIMENA: LHko 6. mailan Inspira Proiektua: nesken artean zientzia eta teknologiarako zaletasuna sustatzeko.

InspiraLH6

 

Azken ikasturteetan bezala, 2024ko urtarrilean Inspira Proiektuarekin hasi gara, LHko 6. mailan, nesken artean zientziarekiko zaletasuna sustatzeko. Talde bakoitzean sei saio burutuko dira.

Inspira STEAM proiektuak nesken artean zientzia eta teknologiarako bokazioak sustatu nahi ditu. Horretarako, sentsibilizazio eta orientazioko ekintzak egiten ditu, ikerketa, zientzia eta teknologia arloetako emakume profesionalen eskutik.​ Inspira proiektuaren muina emakume aholkulariak dira. Aholkulari horiek borondatez euren eguneroko bizitza azaltzen diete neska-mutilei klaseko orduetan egiten diren sei lan-saioetan. Denak dira zientzialariak eta teknologoak eta hainbat arlotan dihardute lanean: irakaskuntzan, enpresan, ikerketan, kudeaketan, etab. Ikasturte honetan, talde bakoitzean bi mentorek hartuko dute parte, era horretan, taldea bitan banatu ahal izango da. Mentoreen artean, Batxilergoko 2. mailako gure ikaslea den Paule Fano parte hartzen ari da.

GARATZEN DITUGUN HELMUGAK:

 

5.1 Emakume eta neskatoen aurkako diskriminazio modu guztiekin amaitzea.

5.5 Ikastolako esparru guztietan emakumeen parte‐hartze osoa eta eraginkorra ziurtatzea, baita lidergoko aukera‐berdintasuna ere, maila erabakitzaile guztietan.

5.b Teknologia instrumentalaren erabilera hobetzea, bereziki, informazioaren eta komunikazioen teknologiarena, emakumeen ahalduntzea sustatzeko.

Beheko argazki-galerian 6.E taldeko saioko irudiak:

5.9 EKIMENA: Etapa guztietan azaroaren 25ean Emakumeenganako Indarkeriaren Aurkako Nazioarteko Egunaren ospakizuna: HHn ipuin bat eta eskulan bat, LHn eta DBHn bideoak ikusi eta ikasleekin batera ekintzak antolatu.

Azaroaren25a

 

Azken ikasturteetan bezala, Ikastolan azaroaren 25eko ekintzak burutu ditugu Emakumeenganako Indarkeriaren Aurkako Nazioarteko Egunaren aldarrikatzeko.

GARATZEN DITUGUN HELMUGAK:

 

  • 5.1 Emakume eta neskatoen aurkako diskriminazio modu guztiekin amaitzea.

  • 5.2 Emakume eta neskato guztien aurkako indarkeria modu guztiak ezabatzea.

Beheko argazki-galerian, HHn, LHn eta DBHn burututako ekintzen adibideak:

 

Beheko bideoan HHko ikasleen aldarrikapena: MINIK EZ!

Ekimen honen bitartez, Garagen Jasangarrirako 4. Helburua, KALITATEZKO HEZKUNTZA, ere lantzen dugu:

IMG_4382.jpg

GARATZEN DUGUN HELMUGA: 4.7 Ikasle guztiek garapen jasangarria sustatzeko beharrezkoak diren ezagutza teorikoak eta praktikoak eskuratzen dituztela ziurtatzea, besteak beste, garapen jasangarrirako eta bizi‐estilo jasangarrietarako, giza eskubideetarako, genero‐berdintasunerako, bakearen eta indarkeriarik ezaren kulturaren sustapenerako, munduko herritartasunerako eta kultura‐aniztasunaren baloraziorako.

bottom of page