Garapen jasangarrirako gizarte baketsuak eta inklusiboak sustatzea, guztioi justiziarako sarbidea erraztea, eta erakunde eraginkorrak eta inklusiboak sortzea maila guztietan.
Ikasketa-planetan indarkeriari, tratu txarrei eta esplotazioari aurre egiteko gaiak txertatzea, zuzenbidezko estatua, Informaziorako sarbidea, oinarrizko askatasunak babestea.
16.1 EKIMENA: Ikastolako elkarbizitza-planaren gainbegiraketa eta eguneraketa eta elkarbizitzaren behatokia egitea.
2024ko ekainaren 10ean, LHko behatokiko kideak elkartu dira elkarbizitza-planaren gainbegiraketa eta azterketa egiteko.
GARATZEN DITUGUN HELMUGAK:
-
16.1 Nabarmen murriztea indarkeria‐mota guztiak.
-
16.3 Etapa desberdinetako ikasleen artean zuzenbidezko estatua sustatzea, eta justizia eskuragarri izateko aukera‐berdintasuna bermatzea denontzat.
Beheko argazkietan behatokiaren bilerako irudiak:
Ekimen honen bitartez, Garagen Jasangarrirako 5. Helburua, GENERO-BERDINTASUNA ere lantzen dugu:
GARATZEN DUGUN HELMUGA: 5.c Ikasleen eskubide eta betebeharren Dekretuan azaldutako genero‐berdintasuna sustatzeko lege aplikagarriak onestea eta indartzea, emakume eta neskato guztien genero‐berdintasuna eta ahalduntzea sustatzeko, maila guztietan.
5.4 EKIMENA: LHn eta DBHn KIVA proiektua: ikasleen arteko elkarbizitza eta gatazken konponketak bideratzeko.
16.5 EKIMENA: Batxilergoko 1. mailan Adi-adian programan parte hartzea.
Ikasturte honetan ere, Batxilergoko 1. mailan Adi-adian programan parte hartzen jarraituko dugu, bakearen aldeko hezkuntza, indarkeriaren bidegabekeria, biktimekiko elkartasuna eta beren testigantzen balio pedagogikoa landuz. Adi-adian proiektua Bakearen eta Giza Eskubideen aldeko Hezkuntzako Euskal Planaren parte da. Informazio gehiago hemen klikatuz.
2024ko apirilaren 15ean sentsibilizazio saioekin hasi gara, eta apirilaren 30ean, testigantza saioekin bukatuko dugu.
GARATZEN DITUGUN HELMUGAK:
-
16.1 Nabarmen murriztea indarkeria‐mota guztiak.
-
16.3 Etapa desberdinetako ikasleen artean zuzenbidezko estatua sustatzea, eta justizia eskuragarri izateko aukera‐berdintasuna bermatzea denontzat.
-
16.a Nazioarteko erakunde egokiak indartzea, baita nazioarteko lankidetzaren bidez ere, indarkeria prebenitzeko eta terrorismoari eta delinkuentziari aurka egiteko ahalmena sortzeko, maila guztietan, bereziki garapen‐bidean dauden herrialdeetan.
Beheko argazkietan sentsibilizazio saioaren irudiak:
Ekimen honen bitartez, Garagen Jasangarrirako 4. Helburua, KALITATEZKO HEZKUNTZA, eta 17.a, ITUNAK HELBURUAK LORTZEKO ere lantzen ditugu:
GARATZEN DUGUN HELMUGA: 4.7 Ikasle guztiek garapen jasangarria sustatzeko beharrezkoak diren ezagutza teorikoak eta praktikoak eskuratzen dituztela ziurtatzea, besteak beste, garapen jasangarrirako eta bizi‐estilo jasangarrietarako, giza eskubideetarako, genero‐berdintasunerako, bakearen eta indarkeriarik ezaren kulturaren sustapenerako, munduko herritartasunerako eta kultura‐aniztasunaren baloraziorako.
GARATZEN DUGUN HELMUGA:
17.17 Esfera publikoan, publiko‐pribatuan eta gizarte zibilean aliantza eraginkorrak sor daitezela sustatzea, aliantzen bidez baliabideak lortzeko esperientzia eta estrategiez baliatuz.
17.18 EKIMENA:Eusko Jaurlaritzarekin lankidetzan parte hartzea.
16.7 EKIMENA: Batxilergoko 1. mailako ikasle talde batek European Youth Parliament ekimenean parte hartzea.
2023ko otsailaren 9tik 11ra, Batxilergoko 1. mailako Alaitz Alonso, Izaro Del Olmo, Beñat Knörr, Uxue Ruiz, Irune Salcedo eta Markel Torrell ikasleek, Gorka Lozano irakasleak lagunduta, Bilbon ospatu zen European Youth Parliament jardunaldietan parte hartu zuten.
Beste ikastetxe batzuetako kideekin batera hainbat gai landu dituzte, euren artean, honako hauek: Digitalizazioa; Europar Batasuneko erakundeetako eta biztanleen trebetasun digitalak hobetzeko proposamenak, emakumeentzako higiene produktuen gainezko zergak, XXI. mendeko hiri jasangarriak diseinatzeko eta eraldaketa sustatzeko planak eta proposamenak, eta itsaskien eskaintzaren igoerak suposatzen duen erronka Europar Batasuneko herrialdeentzat eta kontsumo arduratsua sustatzeko politikak.
Sei ikasle hauen artean, hiru izan dira aukeratuak hurrengo fasean parte hartzeko: Alaitz Alonso, Irune Salcedo eta Markel Torrell.
Zorionak denoi egindako lanagatik!
GARATZEN DITUGUN HELMUGAK:
-
16.3 Etapa desberdinetako ikasleen artean zuzenbidezko estatua sustatzea, eta justizia eskuragarri izateko aukera‐berdintasuna bermatzea denontzat.
-
16.a Nazioarteko erakunde egokiak indartzea, baita nazioarteko lankidetzaren bidez ere, indarkeria prebenitzeko eta terrorismoari eta delinkuentziari aurka egiteko ahalmena sortzeko, maila guztietan, bereziki garapen‐bidean dauden herrialdeetan.
Beheko argazkietan jardueren irudiak:
16.8 EKIMENA: DBHko 3. mailako Gizarte Zientziak arloan, Euskadiko Erakunde Politikoen egiturari buruzko hitzaldia, Yurdana Burgoa Valtierraren eskutik, Ekonomia eta Ogasun Saileko Kabinete eta Komunikazio Zuzendaria eta Ikastolako gurasoa.
2023ko otsailaren 9an, DBHko 3. mailako talde guztiek, Gizarte Zientzien Mintegiak antolatuko hitzaldia jaso dute DBHko Auditoriumean. Gizarte Zientziak ikasarloan, 1. eta 2. ebaluazioetan landutako edukietarako lagungarri izateko asmoarekin gauzatu da hitzaldia. Hizlaria Yurdana Burgoa Valtierra izan da, Ekonomia eta Ogasun Saileko Kabinete eta Komunikazio Zuzendaria eta ikastolako gurasoa.
Talde bakoitzarekin ordubete egon da, eta hitzaldian "Euskadiko erakunde politikoen egitura, finantzaketa-sistema eta migrariek gure gizarteari egindako ekarpenak" gaiari heldu dio. Ikasleek Kontzertu Ekonomikoa, kupoa, Eusko Jaurlaritza, Foru Aldundia, Legebiltzarra eta Biltzar Nagusiak, zergak eta aurrekontuaren banaketa eta Gobernuaren barne-antolaketaz jabetzeko aukera izan dute. Azkenik, Yurdanak EAEn bizi diren atzerritar biztanleriaren garrantziaz eta Eusko Jaurlaritzak kanpoko talentoa erakartzeko eginiko zenbait ekimenen berri eman die ikasleei. Bideo eta aurkezpenen bitartez, Yurdanak kontzeptu tekniko konplexuak modu ulerterrazean jorratu ditu, eta gure ikasleen kultura politikoa sakontzen lagundu ere.
Eskerrik asko Yurdana zure azalpen eta laguntzagatik!
GARATZEN DUGUN HELMUGA: 16.3 Etapa desberdinetako ikasleen artean zuzenbidezko estatua sustatzea, eta justizia eskuragarri izateko aukera‐berdintasuna bermatzea denontzat.
Beheko argazki-galerian, ekimenaren argazkiak:
16.6 EKIMENA: Batxilergoko 1. mailako Zuzenbide arloko ikasleak EJko Justizian Hezten programan parte hartzea, magistratu baten hitzaldia jatos justiziaren funtzionamendua ezagutzeko eta epaitegira irtenaldia eginez.
Ikasturte honetan, Batxilergoko 1. mailako Zuzenbide ikasarloan, Eusko Jaurlaritzaren Justizian Hezten pograman parte hartzen ari gara. Programaren helburua ikasleek Zuzenbide arloari buruzko oinarrizko ezagutzak hurbiletik ezagutzea da. Honetarako, programak bi fase izango ditu: alde batetik, magistratu baten hitzaldia jasoko dute. 2023ko azaroaren 24an, Daniel Calderon magistratua Ikastolara etorri da. Hitzaldian, Zuzenbidearen oinarrizko kontzeptuak azaldu dira, epaitegien egitura, Zuzenbidearen adar nagusiak, Lege konkreturen bat eta abar. Bigarren fasean, ikasleak epaitegietara hurbilduko dira, kasuak lehen pertsonan bizitzeko aukera izateko. Hau otsaila edo martxoan izango da.
GARATZEN DITUGUN HELMUGAK:
-
16.3 Etapa desberdinetako ikasleen artean zuzenbidezko estatua sustatzea, eta justizia eskuragarri izateko aukera‐berdintasuna bermatzea denontzat.
Beheko argazkietan hitzaldiaren irudiak:
16.5 EKIMENA: Batxilergoko 1. mailan Adi-adian programan parte hartzea.
Ikasturte honetan, Batxilergoko 2. mailan dauden Joane Ayarza, Gaizka Bermejo, Nerea Dañobeitia eta Naroa Unzilla ikasleak, Batxilergoko arduradunekin batera, Euskalduna Jauregian ospatu den Adi-adian proiektuaren ekitaldian izan dira. Azken urteetan, Lauro Ikastolako Batxilergoko 1. mailan Adi-adian proiektuan parte hartzen dugu, bakearen aldeko hezkuntza, indarkeriaren bidegabekeria, biktimekiko elkartasuna eta beren testigantzen balio pedagogikoa landuz. Adi-adian proiektua Bakearen eta Giza Eskubideen aldeko Hezkuntzako Euskal Planaren parte da. Informazio gehiago hemen klikatuz. Ekitaldian izandako ikasleek joan den ikasturtean jaso zituzten Adi-adian proiektuko hitzaldiak. Argazkietan, gure ordezkariak Iñigo Urkullu lehendakariarekin solasean ikus ditzakegu.
GARATZEN DITUGUN HELMUGAK:
-
16.1 Nabarmen murriztea indarkeria‐mota guztiak.
-
16.3 Etapa desberdinetako ikasleen artean zuzenbidezko estatua sustatzea, eta justizia eskuragarri izateko aukera‐berdintasuna bermatzea denontzat.
-
16.a Nazioarteko erakunde egokiak indartzea, baita nazioarteko lankidetzaren bidez ere, indarkeria prebenitzeko eta terrorismoari eta delinkuentziari aurka egiteko ahalmena sortzeko, maila guztietan, bereziki garapen‐bidean dauden herrialdeetan.
Beheko argazki-galerian ekitaldiaren irudiak:
16.4 EKIMENA: DBHko 4. mailako Etika arloan GEAU proiektua garatzea.
DBHko 4. mailako Balore Etikoak ikas-arloan, ikasturtero lantzen dugun lehenengo proiektua Giza Eskubideen Aldarrikapen Unibertsalari (GEAU) buruzkoa da. Ikasturte honetan ere, ikasleek proiektuan burututako emaitzekin erakusketa bat antolatu dugu, 2023ko abenduaren 10ean, Giza Eskubideen Aldarrikapen Unibertsalaren 75. urteurrena ospatzen dela kontuan izanik.
GARATZEN DITUGUN HELMUGAK:
-
16.1 Nabarmen murriztea indarkeria‐mota guztiak.
-
16.3 Etapa desberdinetako ikasleen artean zuzenbidezko estatua sustatzea, eta justizia eskuragarri izateko aukera‐berdintasuna bermatzea denontzat.
-
16.a Nazioarteko erakunde egokiak indartzea, baita nazioarteko lankidetzaren bidez ere, indarkeria prebenitzeko eta terrorismoari eta delinkuentziari aurka egiteko ahalmena sortzeko, maila guztietan, bereziki garapen‐bidean dauden herrialdeetan.
Beheko argazki-galerian DBH 4BC taldeko ikasleak GEAU proiektuan lanean, aurkezpenak egiten eta antolatutako erakusketa:
Behean, ikasleek egindako infografia batzuk. Irudi bakoitzaren gainean klikatuz, infografia neurri handian eta pdf formatuan ikusiko dugu.
16.2 EKIMENA: Ikastolako elkarbizitza-planaren barnean, LHn eta DBHn KIVA eta ikasle laguntzaileen programak txertatzea.
2023ko azaroan, bizikidetzako arazoak era egokian bideratzeko helburuarekin, DBHko ikasle laguntzaileak formazioa jasotzen ari dira. EDE fundaziotik Aitor etorri zaigu formazio saioak ematera.
GARATZEN DITUGUN HELMUGAK:
-
16.1 Nabarmen murriztea indarkeria‐mota guztiak.
-
16.3 Etapa desberdinetako ikasleen artean zuzenbidezko estatua sustatzea, eta justizia eskuragarri izateko aukera‐berdintasuna bermatzea denontzat.
Beheko argazkietan DBHko 2. zikloko ikasle laguntzaileen formazioko irudiak:
16.9 EKIMENA: DBHko 3. mailako Gizarte Zientziak arloan, Txorierriko eskualdeko Udal karguen hitzaldiak.
2023ko urriaren 25etik 31ra, Txorierriko Mankomunitateko alkate eta zinegotzien hitzaldiak izan ditugu DBHko 3. mailako Gizarte Zientziak arloko klaseetan Nerea Zarraonandia irakasleak antolatuta. Gure artean, Iñigo Gaztelu, Larrabetzuko alkatea, Jon Ander Aurrekoetxea, Lezamako alkatea eta Txorierriko Mankomunitateko burua, Ikerne Zuluaga, Lezamako zinegotzia eta Txorierriko Mankomunitateko buru-ordea, Naia Landa, Sondikako alkatea, Esther Apraiz, Derioko alkatea eta EUDELeko elkarteburua edo presidentea izan ditugu. Hitzaldietan, besteak beste, ikasleek hainbat gauza ikasi dute: Udalaren egitura eta antolaketa, aurrekontuen kudeaketa, alkate eta zinegotzien ardurak eta zereginak...
Eskerrik asko denori gure artean izateagatik!
GARATZEN DUGUN HELMUGA: 16.3 Etapa desberdinetako ikasleen artean zuzenbidezko estatua sustatzea, eta justizia eskuragarri izateko aukera‐berdintasuna bermatzea denontzat.
Argazki-galerian hitzaldien irudiak ikus ditzakegu:
Ekimen honen bitartez, Garagen Jasangarrirako 4. Helburua, KALITATEZKO HEZKUNTZA, ere lantzen dugu:
GARATZEN DUGUN HELMUGA: 4.7 Ikasle guztiek garapen jasangarria sustatzeko beharrezkoak diren ezagutza teorikoak eta praktikoak eskuratzen dituztela ziurtatzea, besteak beste, garapen jasangarrirako eta bizi‐estilo jasangarrietarako, giza eskubideetarako, genero‐berdintasunerako, bakearen eta indarkeriarik ezaren kulturaren sustapenerako, munduko herritartasunerako eta kultura‐aniztasunaren baloraziorako.
16.2 EKIMENA: Ikastolako elkarbizitza-planaren barnean, LHn eta DBHn KIVA eta ikasle laguntzaileen programak txertatzea.
2023ko urriaren 18an, LHko ikasle eta irakasleek 2023-2024 ikasturteko KIVAko aldarrikapena egin dute. Ikasturte honetako gaia erespetua da. Ikasle eta irakasleak zikloka elkartu dira jantokian errespetuari buruzko aldarrikapena egiteko. Ondoren, talde bakoitzak bere gelan, gaiari buruzko horma-irudiak eta bestelakoak landu ditu.
Hauxe da Jonek, LHko Zuzendariak, ikasleei irakurri zien aldarrikapenaren testua:
Beste ikasturte berri bat hasi dugu irailean, guretzat zazpigarren KiVa ikasturtea izango dena.
LAURO KiVa Ikastola da, zer esan nahi du horrek? Gure ikastolan ez dugula inoiz jazarpenik eta tratu txarrik onartuko. Denok nahi dugu Ikastolara pozik etorri eta ongi tratatuak izan. KiVaren oinarria elkarrekiko errespetuan datza. Errespetua da gure harremanen oinarri, errespetuz hartu eta errespetuz eman behar dugulako. Baina hori ez da soilik hitzez egin behar dugun ekintza, elkarrekiko errespetua hainbat eratara erakus daiteke, jokoan, gelan, pasabidean, jantokian, autobusean.
Errespetua ere pertsona guztiekin sortzen dugun harremanen oinarria izan behar da. Lagun minekin errespetua adieraztea erraza da baina beste gelakide batzuekin ez hainbeste.
Geure buruari errespetuaren termometroa jarriko bagenio, zer markatuko luke desberdinaren errespetuan? Mantentzen dugu desberdinak direnekin ere errespetua? Onartzen ditugu diren modukoak izaten?
Lagun berri bat egiten dugunean, errespetuz eraikitzen dugu elkarrekiko harremana? Nola nahi ditugu gure inguruekiko harremanak? Osasuntsuak eta errespetuan eraikikoak, ezta?
Joko bat egingo dugu! Nik hitz batzuk esango ditut eta errespetuan oinarritutako harreman baten parte diren edo ez esan behar didazue, zuek baiezkoa edo ezezkoa eman, ados? Maitasuna, enpatia, irainak, hitz politak, jotzea, pertsona bati barre egitea, elkarrekin barre egitea, hitz itsusiak, laguntza.
Orduan badakizue nola eraiki behar den errespetuzko harremana, ezta? Maitasunez, enpatiaz, hitz politekin, elkarrekin barre egiten eta elkar onartzen eta laguntzen.
Has zaitezte etorkizunean izango zareten helduen errespetuaren termometro sendoa osatzen.
GARATZEN DITUGUN HELMUGAK:
-
16.1 Nabarmen murriztea indarkeria‐mota guztiak.
-
16.3 Etapa desberdinetako ikasleen artean zuzenbidezko estatua sustatzea, eta justizia eskuragarri izateko aukera‐berdintasuna bermatzea denontzat.
Beheko argazki-galerian jardunaldiaren irudi batzuk:
