Energia eskuragarria, fidagarria, jasangarria eta modernoa bermatzea guztiontzat.
Ikastolako eraikinetan energia berriztagarrien proportzioaren igoera bultzatzea, energia-eraginkortasuna eta teknologia garbietako inbertsioak sustatu eta energia-zerbitzu modernoak eta jasangarriak erabiltzea.
EKIMENAK:
7.1 HHko eraikinean isolamendua hobetzea, domotizazioa ezartzea eta energia berriztagarriak erabiltzea, gasolioa aerotermiarekin ordezkatuz.
7.2 Ikastolako eraikinetan domotizazioarekin jarraitzeko plana: argien, berogailuen eta bestelakoen energia-eraginkortasuna lortzeko.
7.3 Beheko Soloa eraikineko eguzki-panelen bitartez igerilekuetako ura berotzeko energia lortzea.
7.4 Ikasle eko-ordezkariekin jasangarritasunean landutako gaiak, egindako kanpainak eta antzekoak egiten jarraitzea.
7.5 2022-2023ko ikasturtean, LHko eraikinean isolamendu lanak egiten hasi, 2023ko udan, gasolioaren ordez aerotermia instalatzeko, 11 generadore instalatuz.
7.6 2022-2023 ikasturtean, Ikastola osoan panel fotoboltaikoak instalatzeko diru-laguntza eskatu da.
2023ko apirilaren 25ean, KONFEKOOPeko kideen bisita jaso genuenean, IRAES21 taldeko ikasleek Ikastolako eraikinetan burutzen ari garen energia berriztagarrien inplementazioari buruzko azalpenak eman zizkiguten. Azalpen hauetan, Lauro Ikastolako 2030 Agenda-planako Garapen Jasangarrirako 7. Helburuan zehaztuta ditugun sei ekimenak agertzen dira.
GARATZEN DITUGUN HELMUGAK:
7.2 Ikastolan energia berriztagarrien proportzioa nabarmen areagotzea.
7.3 Energia‐eraginkortasunaren hobekuntzaren Ikastolako tasa hobetzea.
7.a Ikastolan energia‐azpiegituretako eta teknologia garbietako inbertsioa sustatzea, iturri berriztagarriak, energia‐eraginkortasuna eta erregai fosilen teknologia aurreratu eta ez horren kutsakorrak
IRAES21 taldeko ikasleek energia berriztagarrien inplementazioari buruzko azalpenak emateko erabili zuten Ikastolako eraikinetan energia berriztagarrien inplementazioa aurkezpena ikusgai dugu hemen. Dokumentua irakurtzeko beheko irudiaren gainean klikatu:
Ekimen hauen bitartez Garapen Jasangarrirako beste hainbat Helburu lantzen ari gara:
