Neurri urgenteak hartzea klima- aldaketaren eta haren ondorioen aurka egiteko.
Ikastolan klima babesteko ekintzak ikasketa-planetan txertatzea, hezkuntza eta sentsibilizazioa, eraginak arintzea eta garaiz ohartaratzea, Klima Aldeketari buruzko Nazio Batuen Konbentzio Markoa betetzea.
13.1 EKIMENA: 2030 Agendako ordezkariek klima babesteko ekintzari buruzko sentsibilizazio kanpaina egitea.
2025eko azaroaren 20tik abenduaren 11ra, HHko ate-irekien saioak burutzen ari dira Ikastolan. Bertan, DBHko 3. mailako eta Batxilergoko 2. mailako 2030 Agendako zenbait ikasle-ordezkarik Lauro Ikastolako eraikinetan energia berriztagarrien inplementazioa eta azpiegituretako ereduak energia‐eraginkortasuna lortzeko azaldu diete bisitariei, Ikastolan KLIMA BABESTEKO EKINTZA lantzeko egiten duguna adieraziz.
Azaldutako gaien artean, 7. GJHan, ENERGIA BERRIZTAGARRIAK, ikasleek 7.1 ekimena azaldu dute: HHko, LHko, DBHko, Batxilergoko eta Beheko Soloa eraikinen isolamendua, domotizazioa eta energia berriztagarrien erabilera hobetzea, aerotermia eta panel fotoboltaikoak instalatuz.
Eskerrik asko DBHko Begoña Escudero, Amets Fernández, Arhane Font, Luzia Llorca eta Eneritz Mallona, eta Batxilergoko Ane Linaza, June Macareno eta Olaia Olivas egiten ari zareten lan onagatik!
GARATZEN DUGUN HELMUGA: 13.3 Hezkuntza, sentsibilizazioa eta Ikastola osatzen dugunon ahalmena hobetzea, klima‐aldaketa murrizteko, horretara egokitzeko, bere eraginak arintzeko eta garaiz ohartarazteko.
Beheko argazki-galerian 2030 Agendako ordezkariak HHko ate-irekien saioetan azalpenak ematen:
Ondoren, 2024-2025 ikasturtean argitaratu genuen Lauro Ikastolako eraikinetan energia berriztagarrien inplementazioa eta azpiegituretako ereduak energia‐eraginkortasuna lortzeko dokumentua dugu. Bertan, Lauro 2030 Agenda-planan zehaztuta ditugun ekimen desberdinak agertzen dira, eraikinen arabera sailkatuta eta argazkiekin azalduta. Ekimen bakoitzaren bitartez lantzen ditugun Garapen Jasangarrirako Helburuak ere aipatzen dira:
Ekimen honen bitartez, Garagen Jasangarrirako 4. Helburua, KALITATEZKO HEZKUNTZA, eta 7.a, ENERGIA BERRIZTAGARRIAK ere lantzen ditugu:
GARATZEN DUGUN HELMUGA:
4.7 Ikasle guztiek garapen jasangarria sustatzeko beharrezkoak diren ezagutza teorikoak eta praktikoak eskuratzen dituztela ziurtatzea, besteak beste, garapen jasangarrirako eta bizi‐estilo jasangarrietarako, giza eskubideetarako, genero‐berdintasunerako, bakearen eta indarkeriarik ezaren kulturaren sustapenerako, munduko herritartasunerako eta kultura‐aniztasunaren baloraziorako.
4.7 EKIMENA: LHko 3. mailatik Batxilergoko 2. mailara, talde gehienetan, 2030 Agendako ikasle ordezkariak egotea Ikastolan Garapen Jasangarrirako Helburuak lortzeko laguntza emate aldera.
GARATZEN DUGUN HELMUGA:
7.2 Ikastolan energia berriztagarrien proportzioa nabarmen areagotzea.
7.4 EKIMENA: Energia berriztagarriek jasangarritasunean duten garrantzian oinarritutako kanpainak egitea 2030 Agendako ikasle ordezkariekin.